ملخص الأهزوجة
كلمة الأهزوجة
ع الدوم عيني
ع الدوم عيني ع الدوم شو جاب امبارح لليوم
امبارح سرحنا نحرث زرعنا بصل وثوم
ع الدوم عيني ع الدوم شو جاب امبارح لليوم
اليوم برق ورعود في السما ضاعت النجوم
والماضي ما اظن يعود بصل أفطر بعد الصوم
ع الدوم عيني ع الدوم شو جاب امبارح لليوم
احنا في سعد الذابح من بدر أبوكي سارح
رمشك للقلب جارح و أنا بحبك مغروم
ع الدوم عيني ع الدوم شو جاب امبارح لليوم
أجا سعد الخبايا جدي بيحكيلنا حكاية
بتطلع فيه الحياية جيب العصا و القدوم
ع الدوم عيني ع الدوم شو جاب امبارح لليوم
احنا في سعد بلع مصعد من حرث و زرع
أوعى بالغلط تقع بصفي سلاحك ما تلوم
ع الدوم عيني ع الدوم شو جاب امبارح لليوم
لما سرحنا العونة حطينا القمح في الجونة
انسينا نودي المونة يا حيف يا عيب الشوم
ع الدوم عيني ع الدوم شو جاب امبارح لليوم
لما وردنا ع العين غمزني برمش العين
كل قرضة وكل دين يا ريت المحبة تدوم
ع الدوم عيني ع الدوم شو جاب امبارح لليوم
امبارح كنا نرعِي الغنم جوا الكروم
صارت السخلة تذغي والمخفي صفى معلوم
ع الدوم عيني ع الدوم شو جاب امبارح لليوم
اجا يجري الناطور بسم الله يا دستور
انا وقعت بالمحظور وعليا صار اللوم
ع الدوم عيني ع الدوم شو جاب امبارح لليوم
كلمات الاستاذ : نبيل سمارة
ذكرت هذه الأهزوجة في: