أمثال شعبية

الفرس من خيالها والحرمة من رجالها

قرد موالف ولا غزال مخالف

فلان مثل عجايز النور قطيعه ع القت وثقله ع الحمير

يا عجايز من زمان يا قرامي السنديان ويا صبايا هالايام يا نوار السيسبان

عجوز تشتهي حصرم في كوانين

ان رعيت ارع النوار والمرعي لا ترع فيه ان اركبت اركب المهار اللي ع ايدك بتربيه

يا ميخذ الارملة زرعك شول توكل وتشرب وتمدح جوزها الاول

رمله وزيت عمله

بوكل بقيلة وبستر غربتي ولا بوكل لحم الغصيب وبعيب

ماتت الحمارة وانقطعت الزيارة

اكلوا البيضة والتقشيرة

المرة بلا رجال مثل البستان بلا سياج

اللي بتوخذ جوز الضراير بتحط قرد وسعدان في بيتها

الله يبلاك بالضر والعيش المر ويطير طيرك ويجي غيرك

جوز الثنتين مثل خبز الصاج مقلب ع الوجهين

يا حامل بطيختين وحدة منهن مكسورة

اذا كان بدك غراب البين تجوز ثنتين

القلب ما بسع محبتين كما ان اليد ما بتحمل بطيختين

من زرع زرعين ما خاب

عيشة الظرة مرة لو انها عسل في الجرة لاكبها وارميها بره

Previous 567 Next