أمثال شعبية

سعد الذابح ما بخلي ولا كلب نابح.

مرق شباط وحطينا بطيزو المخباط وبمرق آذار وبنحط بطيزو المقحار.

يوم تظاوي البربارة رد الشعير في غراره والقمح يا بذاره.

نصبة كانون أول , سبقت نصبة عام أول .

في كانون إلزم بيتك يا مجنون .

في الغطاس بغطس نص البَرد .

شهر البربارة بوخد من الليل غباره.

الشغل في كانون أسلم ما يكون .

بين كانون وشباط عند جارك لا تبات .

بين كانون وكانون عند صاحبك لا تكون .

اللي ما بكونن ما بجورن .

أصلك ومطر كوانين .

لا تسافر عن البلاد بين الغطاس والميلاد .

كانون الأجرد خلا الشجر أمرد .

كل الشجر بتتعرى بكانون الا العفص والصنوبر والزيتون

سيل الزيتون من سيل كانون

في كانون الاصم فوت على بيتك وانطم

المربعانيه يا شمس بتحرق يا مطر بغرق

من المولود للمحمود بتوقف الميه عامود

يا لوز يا مجنون بتنور بكانون

Previous 798081 Next