ملخص الأهزوجة
يخاطب حبيبته في غزل عذري يقول فيه :
كلمة الأهزوجة
مرق عنا ولا احنا معجبينو . مدقوق الثريا ع جبينو
حلف لي يمين واتعظم يمينو . غيرك ما هوي قلبي حدا
ابتحلب في الغنم بتقول دونك . دونك هالخدود الحمر دونك
علامك يا ولد مصفر لونك . حيا والا امفارق لك احباب
شمالي يا هوى الديري شمالي . على اللي ابوابهم تفتح شمالي
أنا لارسل مع الريح الشمالي . عمنو أسرع في رد الجواب
ولا يا ماشيي الدرب الطويلي . سلم لي ع أبو اقديلي طويلي
أنا لا دريت هالغيبي طويلي . قبل ما انروح ودعنا الاحباب
طلبت مية جابت لي بالابريق . ميتكو نبع والا من البريق
يوم افراقكوا حر ونشف الريق . عجاج وما حد ودع حدا
ثلاث غزلان يرعن في جبلهن . صبايا ازغار ما حلش حبلهن
أنا لوما الحيا لاسوح معهن . وخلي مونتي عشب الخلا
ثلاثة والثلاثة طول واحد . وخلاق المباسم رب واحد
يا رب لا تخليني فرد واحد . وترسل لي وليف من السما
ذكرت هذه الأهزوجة في: